L sistem de cunvalideda contactless

Südtirol Pass
EuregioFamilyPass
Südtirol Pass abo+ cun funzion de paiamënt
Südtirol Pass 65+ cun funzion de paiamënt

Ferates regiuneles

  • mëter permez l Südtirol Pass al cunvalidadëur dla stazion;
  • dé ite l codesc dla destinazion; sce n va te na destinazion nueva muessen dé ite l codesc numerich per chëla destinazion (“code”+”n”, pra i viages suzessifs mostra l display automaticamënter la ultima destinazions crisses ora o chëles fates plu suvënz). I numeri di codesc dla stazions ie ndichedes tla lista diretamënter sëura l cunvalidadëur.
  • mëter mo n iede permez l Südtirol Pass al cunvalidadëur per cunfermé.

Trassa dla ferata Dispruch-Prëner

Pra i cunvalidadëures tla stazion de Dispruch possen cunvalidé l Pass cun partënza dal Prëner, perchël possa i nuzënc, che à per la trassa austriaca n abunamënt cun chël che i possa furné cun na tarifa arbasseda tl Tirol dl Nord, se sparanië de fé l “check-in” tla stazion dl Prëner.

Curieres extraurbanes y citybus

  • do che n ie zapei tl mesun de trasport mëter permez l Südtirol Pass al cunvalidadëur (check-in);
  • dan se n jì ora mëter mo n iede permez l Südtirol Pass al cunvalidadëur (check-out).

De mpurtanza: sce l ne vën nia fat l „check-out“ dan jì ora trajerà l sistem ju automaticamënter l priesc per duta la trassa nchin al’ultima stazion.

Curieres urbanes y citybus che furnea mé tl raion de n luech (te una na zona tarifera)

L “check-in” ie da fé uni iede che n furnea cun n mesun de trasport.
Sce n muda mesun muessa l viac unì registrà da nuef (“check-in”).
Duc i viages che vën fac tl raion de na zona tarifera tl tëmp de n’ëura curespuend a un n viac sëul.

Curieres urbanes, che furnea nce ora dla zona tarifera

  • do che n ie zapei tl mesun de trasport mëter permez l Südtirol Pass al cunvalidadëur (“check-in”);
  • dan se n jì ora mëter mo n iede permez l Südtirol Pass al cunvalidadëur (check-out).

Furnadoies dl Sistem de trasport ntegrà (Renon, Jenesien, Kohlern, Mölten, Vöran y Meransen), furnadoia dla Mendula, ferata-tram dl Renon

Dan zapé tl mesun de trasport mëter permez l Südtirol Pass al cunvalidadëur (“check-in”).

Trasport de rodes o tieres

  • cunvalidé l viac per l viagiadëur;
  • mëter permez l Südtirol Pass al sensëur;
  • dé ite l simbul curespundënt (cian o roda);
  • mëter mo n iede permez l Südtirol Pass per cunfermé.

Anulé la cunvalideda de n viac

Sce n viac dla ferata bele cunvalidà ne vën nia fat àn la puscibltà de anulé la cunvalideda tl tëmp de 45 menuc tla medema stazion:

  • mëter permez l Südtirol Pass al sensëur;
  • dé ite l simbul dl Südtirol Pass straicà tres;
  • mëter permez mo n iede l Südtirol Pass per cunfermé.

Südtirol Pass abo+
Südtirol Pass 65+
Südtirol Pass free

L tleca, dan che n furnea, tenì la cherta permez al cunvalidadëur (“check in”). L cunvalidadëur ie tla curieres y tla stazions dla ferates.

Nce l Südtirol Pass free muessa ënghe mé unì cunvalidà dan che n furnea (tla curiera o tla stazion dla ferata). Chi che ne ie nia tla cundizions de fé la cunvalideda possa l detlaré can che l fej la dumanda.

Trassa dla ferata Dispruch - Prëner

Pra i cunvalidadëures brums tla stazion de Dispruch possen per i viages de viers dl Südtirol cunvalidé l Pass cun partënza dal Prëner a na moda che n ne muesse nia l cunvalidé sun l Prëner. Per la trassa tl‘Austria muessen cumpré na cherta a pert.

Per viages cun la ferata unian dal sud de Trënt

La/I viagiadëures cun n Südtirol Pass 65+, Südtirol Pass abo+ y Südtirol Pass free, che vën da na stazion a sud de Trënt y che à n documënt de viac che vel nchin Trënt ne muessa nia fé l “check-in” tla stazion de Trënt.